Llywodraethiant

Mae Cronfa MARINE Cymru yn gweithredu trwy ddull moesegol a llywodraethiant cryf.

Mae’r Gronfa yn derbyn cyfraniadau gwirfoddol gan fusnesau, mudiadau ac unigolion y mae eu gweithgareddau yn cyd-fynd â’i diben a’i gwerthoedd.

Mae Cronfa MARINE Cymru yn gweithredu o dan ei Pholisi Cyfraniadau Moesegol ei hun ac yn defnyddio proses benderfynu glir, ddwy haen ar gyfer pob cyfraniad. Caiff diwydrwydd dyladwy cymesur ei gynnal ar ddarpar roddwyr, a nodir y canfyddiadau mewn adroddiad byr a adolygir gan Grŵp Llywio’r Gronfa, sy’n gwneud argymhelliad. Caiff y penderfyniadau terfynol eu gwneud wedyn gan Bwyllgor Llywodraethu a Moeseg CGGC.

Mae’r dull gweithredu hwn yn sicrhau bod penderfyniadau’n gyson, yn annibynnol ac wedi’u cofnodi’n dda, gan roi hyder bod y Gronfa yn cael ei rheoli mewn modd cyfrifol ac yn unol â’i diben.

Pan fydd cylchau grant yn agor, bydd Panel Llunio Grantiau ar wahân wedi’i lunio o arbenigwyr morol, yn edrych ar y ceisiadau ac yn penderfynu ar ba brosiectau fydd yn derbyn cyllid. Mae’r dull gweithredu hwn yn rhoi hyder i roddwyr, partneriaid a’r cyhoedd ehangach bod y buddsoddiad yn cael ei drin mewn modd cyfrifol a’i gyfeirio at brosiectau sy’n cyflwyno budd go iawn i amgylchedd morol ac arfordirol Cymru.