Cronfa MARINE Cymru – ein blwyddyn gyntaf

Rydym yn edrych ar sut mae’r gronfa wedi dod yn ei blaen, yr ymgysylltiad â’r sector a’r cynlluniau ar gyfer y dyfodol wrth i ni weithio tuag at agor y cylch grant cyntaf.

Dros y flwyddyn ddiwethaf, rydym wedi canolbwyntio ar roi’r blociau adeiladu allweddol yn eu lle ar gyfer y Gronfa. Mae hyn yn cynnwys:

• Sefydlu Grŵp Llywio gyda chynrychiolaeth o bob rhan o’r sector morol ac arfordirol
• Cytuno ar drefniadau llywodraethu craidd a phrosesau penderfynu
• Datblygu Polisi Cyfraniadau Moesegol y Gronfa
• Ymgysylltu ag ystod eang o randdeiliaid i lunio cyfeiriad y Gronfa
• Mae’r gwaith hwn yn gosod sylfaen glir wrth i ni symud i’r cam nesaf.

Ymgysylltu â’r sector

Yn ddiweddar, aeth Rheolwr Datblygu Cronfa MARINE Cymru i gynhadledd Ynni Morol Cymru MEW2026 yn Llandudno. Roedd hwn yn gyfle gwerthfawr i arddangos y Gronfa i’r sector ynni morol, codi ymwybyddiaeth o’i rôl a dechrau sgyrsiau gyda chyfranwyr posibl.

Edrych ymlaen

Rydym yn anelu at lansio’r cylch grant gyntaf yn ddiweddarach eleni.

Pan fydd Cronfa MARINE Cymru yn agor am geisiadau, bydd angen i bob prosiect gyd-fynd ag o leiaf un o dri amcan y Gronfa (gweler isod). Gall cylchau grant ganolbwyntio hefyd ar themâu neu flaenoriaethau penodol. Mae’r dull gweithredu hwn yn caniatáu i fuddsoddiad gael ei dargedu at le y gall gyflwyno’r buddion mwyaf i amgylchedd morol ac arfordirol Cymru.

Dyma amcanion y Gronfa:

• Gwella iechyd, gwydnwch a bioamrywiaeth ecosystemau morol ac arfordirol Cymru.
• Mynd i’r afael â’r newid hinsawdd a’r pwysau amgylcheddol ehangach drwy gamau ymarferol, seiliedig ar natur o fewn ecosystemau morol ac arfordirol.
• Adeiladu gwybodaeth, sgiliau a phartneriaethau sy’n cryfhau adferiad hirdymor yr ecosystem forol ac yn cefnogi canlyniadau cynaliadwy i gymunedau arfordirol.

Rhagor o wybodaeth

Bydd rhagor o fanylion ar flaenoriaethau, cymhwysedd ac amserlenni yn cael eu rhannu yn ystod y misoedd i ddod.

Am ddiweddariadau neu i drafod cymorth posibl i Gronfa MARINE Cymru, cysylltwch ag:

Anna Elliott – Rheolwr Datblygu Cronfa MARINE Cymru
Ebost: [email protected]
Ffôn: 029 20431731

Ymunwch â’n rhestr bostio.